Меню
Меню
Перейти к содержимому Систему менаджменту у ЯКП „Водовод и канализация” ше почало розвивац зоз сертификацию системи за менаджмент з квалитетом ище 2008. року. Система ше розвивала и витворела условия за интеґрцию ISO 14001, OHSAS 18001, як и HACCP системи.
Од 2014. року систему менаджменту з квалитетом, як и систему управяня зоз защиту и безпечносцу на роботи ше применює у шицких орґанизацийних єдинкох и цалосцох подприємства. Систему менаджменту зоз животним штредком ше применює у Секторе водоводу, а управянє з одпадом и зоз хемикалиями ше применює у шицких орґанизацийох єдинкох.
HACCP систему ше применює у Секторе водовод и вона обовязна за шицких учашнїкох хтори ю запровадзую.
Система управяня зоз квалитетом то одвит на вимаганє стандарду ISO 9001, и стратеґийна одлука руководства и його алат за задовольованє потребох заинтересованих бокох, зменшанє ризику у дїлованю и дзвиганє уровня квалитету продукта, алє и дїлованє вообще. Унапредзуюци систему квалитету подприємство здобуло условия за успишну интеґрацию и других стандардох и системох з якима ше доприноши ґу успишному и одвичательному дїлованю.
З уводзеньом ISO 14001 до ЯКП „ВиК” доказуєме же дїлуєме на еколоґийно одвичательни способ и же подприємство усоглашене з релевантнима законами. Имплементация системи менаджменту зоз животним штредком по вимаганьох 14001 обезпечує подприємству отримуюци розвой у складзе зоз шветовима припознатима принципами и сусачснима трендами дїлованя. Стандард ше применює за тоти аспекти животного штредку хтори подприємство може контроловац и на хтори може уплївовац. Хасен хтори приноши ISO 14001: Зменшанє розходох, рационалнєйше хаснованє енерґентох, зменшанє неґативних уплївох на животни штредок, зменшанє ризику од еколоґийних инцидентох, звекшанє способносци швидкей и дїлотворнєйшей интервенциї, злєпшанє комуникациї зоз заинтересованима боками, правну сиґурносц, уплїв на здравє занятих и жительства, превентивне дїйствованє на неґативни уплїви, правочасне зоперанє еколоґийних катастрофох, дзвиганє еколоґийней свидомосци занятих, превипитованє роботи и поднїманє мирох, лєпше позиционованє як на домашнїм так и на европским тарґовищу.
Свою пошвеценосц и одвичательносц ґу защити здравя занятих, безпечносци на роботи, як и превенциї калїченьох, хоротох и професионалних охореньох, подприємство указало одвитуюци на вимаганя стандарду ISO 45001. ЯКП „Водовод и канализация” 2018. року одлучело окончиц транзицию зоз OHSAS 18001 на ISO 45001, провадзаци тренди у стандардизациї и потвердзуюци опредзелєносц ґу защити занятих и їх безпечносци. Подприємство порихтане и одвичательне у смислу реаґованя на инциденти и позарядово ситуациї.
У 2018. року, подприємство сертификоване за систему управяня з енерґию по EN ISO 50001. Найвисше руководство подприємства одлучело индикатори енерґетских перформансох зробиц доступним шицким заинтересованим боком. Року 2020. фамелия сертификованих стандардох звекшана за ISO/IEC 27001. Подприємство так доказало же на найодвичательнєйши способ управя з информациями, як з власнима, так и з податками шицких своїх заинтересованих бокох, окреме хасновательох.
Енерґетска перформанса:
Оптимизировано Серафинит - Акселератор